Бүгүн, 20-майда Бишкектин Свердлов райондук сотунда төкмө акын Болот Назаровго карата козголгон ишти кароо уланат.
Назаров билдиргендей, отурум саат 15:00гө белгиленген.
Эске салсак, төкмө акын Болот Назаровду милиция быйыл 23-январда кармап, кийин чет жакка чыкпоо тууралуу тилкаттын негизинде бошотулган. Назаровго жана Темировго карата иш Кылмыш-жаза кодексинин “Баңгизат каражаттарын, психотроптук заттарды жана алардын аналогдорун сатып өткөрүү, маңзатты мыйзамсыз даярдоо” беренеси менен козголгон.
Төкмө акын Болот Назаров «Ютуб» каналына жемкорлукту ашкерелеген чыгармаларын жарыялап келет.