Митингдерди таратуу үчүн Ички иштер министрлигинин атайын техникасы бактарды сугарууга жөнөп кетти, деп билдирди Бишкек ШИИББи.
Маалыматка ылайык, атайы техника кечээ шаардагы бактарды сугарууга чыккан.
Буга чейин аномалдуу ысыктан улам милициянын атайын унаасы көчөлөрдү сугарууга да тартылган.
Эске салсак, Кыргызгидромет билдиргендей, аномалдуу ысык жана кургак аба ырайы 28-июлга чейин созулат.