Опузалап пара талап кылуу фактысы боюнча Бишкек ШИИБнин кызматкерлери кармалды. Бул тууралуу УКМКдан кабарлашты.
Маалыматка ылайык, УКМК ички иштер органдарында коррупциялык кылмыштарды аныктоо, алдын алуу жана бөгөт коюу боюнча жүргүзүлүп жаткан системалуу иштердин жүрүшүндө 2024-жылдын 3-апрелинде Кыргыз Республикасынын Ички иштер министрлигинин Ички чалгындоо кызматы менен биргеликте, 160 миң сом өлчөмүндө пара талап кылуу фактысы боюнча УКМК тарабынан козголгон кылмыш ишинин алкагында Бишкек ШИИБнин тергөө кызматынын өзгөчө маанилүү иштер боюнча ага тергөөчүсү, милициянын подполковниги К.Б.М., Бишкек ШИИБдин Кылмыш иликтөө башкармалыгынын кылмыш иликтөө бөлүмүнүн тескөөчүсү, милициянын майору А.А.Э., ошондой эле ортомчу катары иш алып барган А.Э.Э. аттуу жаран кармалды.
«Тергөөнүн жыйынтыгында жаранга кылмыш ишин козгоп, кылмыш жоопкерчилигине тартуу шылтоосу менен акча талап кылынгандыгы аныкталды. Жүргүзүлгөн тинтүү иш-чараларынын жүрүшүндө жогоруда аталган адамдардын кызматтык бөлмөлөрүндө пара катары алынган 80 миң сом суммасындагы акча каражаттарынын бир бөлүгү, ошондой эле 30 миң сомдон ашык суммадагы башка далилдер (жогоруда көрсөтүлгөн акча каражаттарынан төлөнгөн чектер жана квитанциялар) табылып алынган», — деп жазылат маалыматта.
2024-жылдын 3-апрелинде жогорудагы адамдар Кыргыз Республикасынын Жазык-процесстик кодексинин 98-беренесине ылайык КР УКМКнын убактылуу кармоочу жайына киргизилди.
Учурда КР УКМК ИИМ жетекчилиги менен биргеликте Кыргыз Республикасында укук коргоо органдарындагы коррупцияны жоюу боюнча тиешелүү иштерди жүргүзүүдө.
Токмок шаардык ички иштер башкармалыгынын кызматкери пара талап кылуу фактысы боюнча кармалды. Бул тууралуу УКМКнын …
Азамат ТоктоналиевБишкек шаардык ички иштер башкармалыгынын жетекчиси болду. Маалыматы Ички иштер министрлигинин басма сөз кызматы …
Бишкек ШИИБдин Кылмыш иликтөө башкармалыгынын ыкчам издөө бөлүмүнүн улук ыкчам кызматкери кармалды. Бул тууралуу УКМКнын …
Башкы прокуратура райондук прокуратуранын тергөөчүсүн пара алып жаткан жеринен кармады. Бул тууралуу Башкы көзөмөл органынын …
Нарын районунун Миң-Булак айыл аймагынын башчысы кармалды. Бул тууралуу Улуттук ккопсуздук мамлекеттик комитетинен билдиришти. Маалыматка …
КР Эсептөө палатасынын аймактык бөлүмүнүн кызматкери 100 миң сом алып жаткан жеринен кармалды. Бул тууралуу …
