Тайсон каймана атка ээ кыргызстандык мушкер Канат Келдибеков Казакстанда өтө турган ACA 105 турниринин алкагында бразилиялык атаандашы Уолтер Перейра менен көз караштар таймашына катышты. Бул тууралуу видео материал инстаграмга жүктөлдү.
Маалыматка ылайык, бетеш бүгүн, 6-мартта, Алматы шаарында өтөт. Анда кыргыз мушкери 61 килограмм салмакта октагонго чыгат.
Белгилей кетсек, Келдибеков соңку беттешин 29-ноябрда Астана шаарында болгон ACA 102 турниринде өткөрүп, казакстандык Алтынбек Жуманулыны калыстардын чечими менен утуп алган. ММА боюнча 16 беттешти утуп, төрт ирет жеңилген.