2021-жылдын 6-апрель күнү болжол менен саат 10:00 чамаларында Ысык-Ата районунун ИИБдүн нөөмөт бөлүгүнө эркек кишинин жансыз денеси табылгандыгы тууралуу телефон чалуу болгон. Бул тууралуу Чүй ОИИБ басма сөз кызматы кабарлады.
Маалымат боюнча, Ысык-Ата РИИБдүн ыкчам тергөө тобу Ивановка айылындагы үйлөрдүн биринен дене жаракаттары менен эркек кишинин жансыз денесин табышкан. Териштирүү учурунда ал 34 жаштагы Х.И. аттуу жаран экендиги такталган.
«Алдын ала маалыматтар боюнча, окуя болгон күнү 34 жаштагы жаран үй-бүлөлүк чырдын айынан мас абалында аялын сабап салган, андан соң төшөккө жатып уктап калган. Аялы ачууланып, сарайдан балканы алып, башына бир нече жолу уруп, натыйжада ал каза болгон. Андан кийин аялы баласын алып, ата-энесине кеткен. Кылмыш куралы БЧКга ыргытылган. Окуянын бардык жагдайлары иликтенип жатат», — деп айтылат маалыматта.
Бул окуя кылмыштардын жана жоруктардын бирдиктүү реестрине Кыргыз Республикасынын Жазык кодексинин 130-беренеси (Киши өлтүрүү) боюнча катталып, сотко чейинки өндүрүш иштери башталган.
Бишкекте белгисиз киши дүкөндүн сатуучусуна кол салып, аёосуз сабап салган. Окуянын видеосу социалдык тармактарда тарады. …
Мамлекеттик салык кызматынын беши инспектору системалуу коррупция боюнча кармалды. Бул тууралуу УКМКнын басма сөз кызматы. …
Жалал-Абад шаарында чет элдик жарандан акча талап кылган кылмыш чөйрөсүнүн өкүлү кармалды. Бул тууралуу УКМКнын …
Бишкекте милиция кызматкерлери тарабынан бейбаштыкка шектүү жаран кармалды. Бул тууралуу Октябрь райондук милициясынан билдиришти. Маалыматка …
Өзбекстанда 45 жаштагы киши Термез-Ташкент каттамындагы автобуста жанында уктап калган аялдын төшүн кармалаганы үчүн 15 …
Бийликти күч менен басып алууга аракет кылган деп издөөдө жүргөн Ташов кармалды. Бул тууралуу УКМКнын …
