«ЭкоИсламикБанкынын» филиалынын тонолушу боюнча сотко чейинки тергөө амалдары башталды. Бул тууралуу Бишкек шаарынын Октябрь райондук милициясынын маалымат кызматы кабарлады.
«Окуя бүгүн, 26-ноябрда эртең менен саат 8:47лер чамасында болгон. Милицияга саат 9:17де билдирүү келип түшкөн. Банктын филиалы 6-кичирайондо, Сухэ-Батор менен Юнусалиев көчөлөрүнүн кесилишинде жайгашкан. Эки киши банктын филиалына кирип барып күзөтчүнү сабап, тапанчасын тартып алышкан. Андан соң кассадагы акчаны алып качып кетишкен. Кылмыш-жаза кодексинин 202-беренеси («Карактоо») боюнча тергөө башталды»,-деп айтылат маалыматта.