Чүй облусунда парага алууга шектелип, башкы дарыгер колго түштү.
Чүй облусунун экстремизмге жана мыйзамсыз миграцияга каршы күрөшүү кызматынын кызматкерлери Ысык-Атадагы мамлекеттик санитардык эпидемиологиялык көзөмөлдүн башкы дарыгерин пара талап кылган деген шек менен кармашты.
5-сентябрда Чүй облустук ички иштер башкармалыгына Ысык-Атанын Новопокровка айылындагы «А» аталыштагы кафенин ижарачысы О.Т. аттуу адамдан арыз түшкөн. Ал А. аттуу Ысык-Ата мамлекеттик санитардык эпидемиологиялык көзөмөлдүн башкы дарыгери болуп иштеген адам кафенин маселесин оң чечип берүү үчүн ай сайын он миң сомдон төлөп турууну талап кылганын билдирген. Акча талап кылган адам өз кызматынан кыянаттык менен пайдаланып, текшерүүлөр менен коркуткан.
Бул факт боюнча Чүй облустук ички иштер башкармалыгы КР Кылмыш-жаза кодексинин 343-беренеси (пара талап кылуу) менен кылмыш ишин козгоду.
6-сентябрда ыкчам тергөө иштеринин аркасында он миң сом акчаны алып жатканда 1997-жылы туулган Н.А. аттуу айдоочу жана Ысык-Атадагы оорулардын алдын алуу борборунун жана санитардык эпидемиологиялык көзөмөлдүн башкы дарыгери 1988-жылы туулган И.З. кармалышкан. Башкы дарыгер убактылуу кармоочу жайга отургузулган.
Бул иш боюнча тергөө иштери улантылып жатат.
Бишкектин четинен жаш кыздын сөөгү табылды, кылмышка шектүү өз жанын кыюуга аракет кылган. Бул тууралуу …
Ысык-Көлдө жашы жете элек кызды зордуктоого шектелип 19 жаштагы эки адам кармалды. Бул тууралуу облустук …
Аскер бөлүктөгү жоокердин өлүмүнө байланыштуу козголгон кылмыш иштин алкагында шектүү катары кармалган М.М. аттуу аскер …
УКМК тарабынан жүргүзүлгөн ыкчам-издөө иш-чараларынын жүрүшүндө КР жараны С.У.Э.нин алдамчылык аракеттери аныкталды. Атайын кызмат тараткан …
Көк-Жардагы үй комитетинин башчысы добуш сатып алууга шектелип жатат. Бул тууралуу Бишкек шаарынын Октябрь РИИБдин …
Массалык баш аламандыкка чакырган деп шектелген жаран ИИМге жеткирилди. Бул тууралуу ИИМдин Басма сөз кызматы …
