Баткенде дарыгерлер үйлөрдү кыдырып, элдин саламатыгын текшерип жатат. Бул тууралуу бүгүн, 4-августта Өкмөттүн Баткен облусундагы ыйгарым укуктуу өкүлү Алишер Абдрахманов билдирди.
Анын айтуусуна караганда бүгүнкү күнгө чейин 2 миңден ашуун үй-бүлө текшерүүдөн өттү.
«Июль айынын ортосунан баштап, Баткен облусунун бардык район шаарларында, дарыгерлер, жергиликтүү бийлик өкүлдөрү үймө – үй кыдыруу жумуштарын баштады. Кызматкерлер элдин саламаттыгын текшерип, медициналык кеңеш берип, жардам көрсөтүшүүдө. Бүгүнкү күнгө карата 2150 үй бүлө текшерүүдөн өттү, – деди Абдрахманов.