Исфана шаарынын Самат айылындагы орто мектептен өрт чыкты. Бул тууралуу Өзгөчө кырдаалдар министрлигинин басма сөз кызматы кабарлады.
Маалыматка ылайык, өрт өчүрүүгө 1 бөлүм тартылган.
«Өрт өчүрүчүүлөр жеткенге чейин мектеп жетекчилиги тарабынан окуучулар эвакуацияланып, тилсиз жоо чектөөгө алынган. Бактыга жараша жабыркагандар болгон жок»,-деп айтылат маалыматта.
Өрт электр зымдарынын кыска туташуусунан келип чыккан.