Баткенде окуучулар арасында массалык мушташ катталды. Маалыматка ылайык, 3 окуучу жабыркаган.
Баткен облустук милициясынын басма сөз кызматынын маалыматына ылайык, аталган факт Баткен райондук ички иштер бөлүмүнүн Кылмыштардын жана жоруктардын бирдиктүү реестрине катталды.
Облустук милициядан учурда чырдын чоо-жайы такталып жаткандыгын жана бир аздан соң толук маалымат бериле тургандыгын кошумчалашты.
Алдын ала маалыматка караганда, мушташ Баткен районундагы Кара-Бак айылында чыккан.