Бүгүн, 21-февралда Баткенде таң эрте россиялык Г.Е. аттуу альпинистти издөө иштери башталды. Бул тууралуу Өзгөчө кырдаалдар министрлигинен билдиришти.
Алдын ала маалымат боюнча, ал үстүбүздөгү жылдын 12-февралында Баткен облусунун Лейлек капчыгайындагы бийиктиги 5350 метрлик “Аксу” чокусуна чыгып, акыркы жолу 16-февралда байланышка чыккан. Андан соң альпинист менен байланыш үзүлгөн.
Учурда дайынсыз болуп жаткан россиялык жаранды издөөг ӨКМдин Республикалык өзүнчө куткаруу отрядынын Баткен шаарындагы 3-өзүнчө издеп-куткаруу отрядынан 6, Лейлек райондук райондук ӨКБдан 1 куткаруучу жөнөтүлгөн. Жоголгон адамды издөөгө россиялк 3 альпинист кошулду.
Издөө иштери боюнча кошумча маалымат берилет.
