Кадамжай районунда каналга унаа түшүп кетти, бактыга жараша, кырсыктан жабыркагандар жок. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, Баткен облусунун Кадамжай районунда 8-октябрь күнү саат 17:22де Халмион айыл аймагынын Гүлдөрөмө айылында Нургазиев каналына “Мерседес-Бенц” үлгүсүндөгү унаа түшүп кеткендиги тууралуу маалымат түшкөн.
Жерине КР ӨКМнин №76 өрткө каршы куткаруу бөлүгүнүн куткаруучулары тартылып, унааны суудан чыгарууга жардам беришкен.