• Ишенби 5 Бештин айы 2020

Батукаевдин иши боюнча соттук отурум жылдырылды

24 марта 2020 в 17:48 Бишкек Govori.TV

Бүгүн, 24-мартта Бишкектеги Биринчи май райондук сотунда кримтөбөл Азиз Батукаевдин түрмөдөн мыйзамсыз бошотулушу боюнча соттук отурум болуп өттү.

Отурумда 3 күбө суракка берди. Натыйжада соттук териштирүү 31-мартка саат 14:00гө жылдырылды.

Бул иштин алкагында төрт адам айыпталуучу катары өтүп жатат. Алар – мурдагы президент Алмазбек Атамбаев, Жаза аткаруу мамлекеттик кызматынын (ЖАМК) төрагасынын мурдагы кеңешчиси Калыбек Качкыналиев, мурдагы башкы прокурор Индира Жолдубаева жана Улуттук гематология борборунун мурдагы жетекчиси Абдухалим Раимжанов. Калган 14 адам тергөө менен кызматташууга макул болгон.

Эске салсак, Кримтөбөл Азиз Батукаев 2013-жылы «айыккыс илдетке чалдыкты» деген негизде мөөнөтүнөн мурда түрмөдөн чыгып, Орусияга учуп кеткен. Ички иштер министрлиги (ИИМ) быйыл бул боюнча кылмыш ишин кайра тергеп, сотко өткөрүп берген.

Количество просмотров: 39