Бажы жана коммерциялык банк кызматкерлеринин кылмышуу аракеттеринен улам ишкер 40 миллион сомдук зыян тарткан. Бул тууралуу Башкы прокуратуранын расмий сайтында кабарланат.
Маалыматка ылайык, «М» жоопкерчилиги чектелген коомунун директорунун кайрылуусу боюнча Кыргыз Республикасынын Башкы прокуратурасы тарабынан текшерүү жүргүзүлүп, анын жыйынтыгы менен Мамлекеттик бажы кызматынын жана коммерциялык банктардын биринин кызматкерлери тарабынан жасалган мыйзамсыз аракеттер аныкталды.
«2018-жылы “М” ЖЧКсы, банк аркылуу 40 000 000 (кырк миллион) сомду “Ташылуучу бажы төлөмдөрү” катары Финансы министрлигинин Борбордук казыналыгынын эсебине которгон.
Бирок, коммерциялык банктын кызматкерлери белгисиз себептерден улам көрсөтүлгөн сумманы башка эсепке «Ташылуучу товарларга кошумча нарк салыгы» катары которуп жиберип, “М” ЖЧКсына жасалма төлөм тапшырмасын беришкен.
Андан кийин, 2018-жылы аталган ЖЧК тарабынан товарлар бажы аркылуу жасалма төлөм тапшырмасы менен ташылып, документтерди көзөмөлдөөгө жооптуу бажы кызматкерлери тиешелүү ченемдик-укуктук актылардын талаптарын одоно бузушуп, аларды каттоодо товарлар боюнча декларацияларды текшеришкен эмес», — деп жазылат билдирүүдө.
Мындан тышкары, бажы кызматкерлери мыйзам талаптарын бузушуп, 3 жыл бою бажы төлөмдөрүн чегерүү, которуу жана кайтаруу боюнча милдеттерин аткарбай, “М” ЖЧКсы менен бажы органынын ортосунда ай сайын текшерүүнү жүргүзбөй келишкени кошумчаланат.
«Ошол эле учурда, бажы органы 2021-жылдын март айында, «М» ЖЧКсына карата негизсиз туум чегерип, натыйжада ишкердик субъектинин мыйзам менен корголгон укуктары бузулган.
Чогултулган материалдар Кыргыз Республикасынын Жазык кодексинин 320 (кызматтык абалынан кыянаттык менен пайдалануу), 233 (коммерциялык же башка уюмдардын ыйгарым укуктарынан кыянаттык менен пайдалануу) жана 359-беренелери (документтерди жасалмалоо) менен кылмыштардын жана жоруктардын бирдиктүү реестрине катталып, сотко чейинки өндүрүш иши башталды», -дейт маалыматта.
Кыргызстанда 9 миң 504 ишкерге 6 млрд 455 млн 227 миң 818 сомго пайызсыз насыя …
Башкы прокуратура Бишкектеги Ататүрк паркы боюнча кабыл алынган чечимдердин мыйзамдуулугун карап чыгат. Бул тууралуу баш …
Кочкор районунда 51 млн 264 миң сомго бааланган автобекет жер тилкеси менен жана Ормон-Хан айыл …
Арстанбек Абдылдаевдин (Арстан Алай) каза болгон фактысы боюнча тергөөгө чейинки текшерүү жүргүзүлүп, жыйынтыгы менен кылмыш …
Бишкекте курулуш компанияларынын бири тарабынан өзгөчө ири өлчөмдө келтирилген зыяндын орду мамлекетке төлөндү. Бул тууралуу …
«Коммерциялык эмес уюмдар жөнүндө» жана «Кылмыш-жаза кодексине өзгөртүүлөрдү киргизүү жөнүндө» мыйзам долбоору Кыргызстандын эл аралык …
