Беларусь Республикасынын президенти Александр Лукашенко Роман Головченкону премьер-министр кызматына дайындады.
«Belta» басылмасынын маалыматы боюнча, Головченко буга чейин Мамлекеттик аскердик өнөр жай комитетинин төрагасы болуп иштеген.
Кечээ Александр Лукашенко өкмөттүн отставкасы жөнүндө чечим кабыл алган.
3-июнда президент менен жолугушууда өкмөттүн жаңы курамын түзүү боюнча сунуштар талкууланган. Иш-чарага Республика Кеңешинин жетекчиси Наталья Кочанова, Өкүлдөр палатасынын төрагасы Владимир Андрейченко, президенттин администрациясынын башчысы Игорь Серенкоенко жана Коопсуздук кеңешинин катчысы Андрей Равков катышты.