Бишкек.22.07.2019.Govori.TV.
Кусейин Карасаев атындагы Бишкек гуманитардык университети – Бишкек мамлекеттик университети болуп өзгөрдү. Бул тууралуу аталган жогорку окуу жайдын ректору Абдылда Мусаев билдирди.
“Башка мамлекеттер менен кызматташуу боюнча сүйлөшүүлөрдү жүргүзгөнүбүздө БГУ окуу жайын көбү Бишкек мамлекеттик университети деп ойлошот. Гуманитардык университет экенин укканда көз караштары өзгөрөт. Ал эми мамлекеттик университет деген чоң мүмкүнчүлүк болуп турат”,-деди Мусаев.
Кошумчалай кетсек, аталган университетте жалпы 7500 студент билим алат.
