Германияда жашаган тажикстандык блогер Шерзод Мамажоновдун апасы Шохида Мамажонова жаза мөөнөтүн өтөө үчүн Нурек шаарындагы аялдар абагына которулду. Бул тууралуу «Озоди» радиосу блогердин өзүнө шилтеме кылып кабарлады.
7-апрелде Душанбенин Исмоили Сомони райондук соту Мамажонованы алты жылга эркинен ажыраткан. Ал Тажикстанда тыюу салынган «Группа 24» тобуна жана «Ислам кайра жаралуу» партиясына интернетте колдоо көрсөтүүгө күнөөлүү деп табылган. Адвокат сот өкүмүнө макул эмес экенин билдиргени менен Мамажонова кассациялык арыз жазуудан баш тарткан.
Тажик бийлигин сындап жүргөн блогердин апасы быйыл 3-февралда Вахдат шаарында кармалып, ошондон бери тергөө абагында камакта отурган.
Мамажонованын «Абдурахмон 09» деген лакап ат менен таанымал уулу Шерзод Мамажонов Германияда жашайт. Ал тажик өкмөтүнүн мусулман жамааттарынын укуктарын чектеген саясатын сындап келет.
Буга чейин Шерзод тажик милициясы апасын бир нече жолу суракка чакырып, уулун Тажикстанга кайтып келүүгө көндүрүүнү талап кылганын айткан.
Жергиликтүү жана эл аралык укук коргоо уюмдары Тажикстанды 1992-жылдан бери башкарып келе жаткан авторитардык лидер Эмомали Рахмонду «оппонеттерине жана сынчыл көз караштагы адамдарга кысым көрсөтүү үчүн күч органдарын жана бийликтин башка бутактарын колдонду» деп айыптап келишет.
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
TikTok жана YouTube платформаларында Sardor gangster деген каймана ысым менен белгилүү өзбекстандык блогер Сардор Сафарбоев …
Блогер Батмакан Жолболдуева үй камагына чыгарылды. Бул тууралуу «Азаттык» жазды. Маалым болгондой, Жолболдуеванын бөгөт чарасы …
15 суткага камалган диний блогер Аброр Мухтор Али (Аброр Абдуазимов) 21-февралда Ташкент райондук сотунун чечими …
Тажикстанда 2023-жылы «балдарды окутуу жана тарбиялоо боюнча милдеттерин аткарбаган» ата-энелерге 14 миң 126 административдик иш …
Блогер Али Эргешев кармалды. Бул тууралуу Ички иштер министрлигинин (ИИМ) басма сөз кызматы билдирди. Мекеменин …
