Билим берүү жана илим министри Алмазбек Бейшеналиев, Айыл чарба, тамак-аш өнөр жайы жана мелиорация министри Тилек Токтогазиев Кыргызстан — Пакистан бизнес-форумунда англис тилинде сүйлөштү.
Тилек Токтогазиев презентация жасап жаткандагы видеосун өзүнүн Facebook баракчасына жарыялады. Ал Кыргызстандын айыл чарбасын өнүктүрүүнүн жетишкендиктери жана алдыдагы пландары боюнча айтып берген.
“Бүгүн кыргыз-пакистан бизнес-форумуна катышып жатам. Жыйында республиканын айыл чарбасын өнүктүрүүнүн жетишкендиктери жана алдыдагы аткарыла турчу пландары боюнча ой бөлүштүм“,- деп жазды Токтогазиев.
Алмаз Бейшеналиевдин видеосу Билим берүү жана илим министрлигинин Facebook баракчасына жарыяланды.
