Кыргызстанда бир суткада коронавирус 427 адамдан табылды. Бул тууралуу Республикалык штабдан билдиришти.
Маалыматка ылайык, Бишкекте коронавирус 179 адамдан, Ош шаарында – 17, Чүй облусунда – 94, Ош облусунда – 36, Талас облусунда – 13, Нарын облусунда – 2, Ысык-Көл облусунда – 35, Жалал-Абад облусунда – 23, Баткен облусунда 28 кишиден табылган.
Кыргызстанда пандемия башталгандан бери 71 миң 171 адам коронавирус жуктурган. Алардын ичинен 62 миң 544 киши айыгып чыкса, 1 миң 251 адам каза болду.