Жайыл районунун Полтавка айылындагы жол кырсыгынан бир үй-бүлөдөн 3 адам каза болду. Бул тууралуу Чүй облустук жол кыймыл коопсуздугун камсыздоо башкармалыгынын басма сөз кызматы билдирди.
Маалыматта «Кырсык бүгүн 31-июлда саат 08:00 чамасында катталып, анда бир үй-бүлөдөн 3 адам каза болгон. Анда «БМВ» жана «Тойота Ист» унаалары бетме-бет кагышкан. Жыйынтыгында «Тойота» унаасындагы күйөөсү менен аялы каза болгон. Алардын 2 жаштагы баласы ооруканада жан берген» -деп жазылат.