Бишкек—Ош унаа жолунун 239-чакырымында (Чычкан капчыгайы) күйүүчү май ташыган оор жүк ташуучу унаа өрттөндү. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, бүгүн, 12-августта Өзгөчө кырдаалдар министрлигине Токтогул районуна караштуу Чычкан капчыгайындамай ташуучу унаа өрттөнүп жаткандыгы тууралуу маалымат түшкөн.
Өрттү өчүрүүгө саат 12:19да Токтогул райондук №97 Өрт-куткаруу бөлүмүнөн 1 бөлүм тартылган. Өрт ачык аянтта куураган чөпкө өтүп кеткендигине байланыштуу кошумча 24 куткаруучу, Токой чарбачылыгынан 9 кызматкер тартылган.
«Унаалардын өтүүсү жол коопсуздугун камсыздоо башкармалыгынын кызматкрелери тарабынан көзөмөлдөнүүдө.Кошумча маалымат берилет»,-деп айтылат маалыматта.