Чүй облусунун Суусамыр өрөөнүндө жүк ташуучу унаа менен Тойота Камри унаасы сүзүшүп, 4 адам каза болду. Бул тууралуу Чүй облустук милициясынын Жол кыймылынын коопсуздугун камсыздоо башкармалыгынын басма сөз кызматынан билдиришти.
Маалыматка ылайык, Бишкек – Ош трассасынын 172-чакырымында бүгүн эртең менен MAN оор жүк ташуучу унаа менен Toyota Camry кагышкан.
Жеринде Жайыл районунун ыкчам-тергөө тобу иш алып барган.