Бишкекте 1-июндан тарта ишке кирген ишканалардын тизмеси
Бишкекте 1-июндан тарта ишке кирген ишканалардын тизмеси
1 Кулжа 2020 16:58 Бишкек Govori.TV
1-июндан тарта кайсы ишкерчилик субъекттердин иши жанданганын жана 5-8-июндан тарта кайсы тармактар иштеп баштай турганын бүгүн өкмөт үйүндөгү маалымат жыйында Бишкек шаарынын вице-мэри Азизбек Алымкулов маалымат берди.
Анын айтымында 1-июндан тарта төмөнкү экономиканын субъекттери ишин жандандырууда.
Керектөөчү товарларды жана тамак-аш азыктарын өндүрүү жана соода-сатык чөйрөсүндөгү иштин бардык түрлөрү;
Калкты тейлөө кызматтары тармагындагы иштин бардык түрлөрү;
Аудит жана консалтингдик компаниялар;
Жарнама агенттиктери;
Туристтик жана рекреациялык объекттер (эс алуу үйлөрү, пансионттар, тарыхый жайлар ж.б.), жеке унаалар менен саякаттоо шарты менен.
5-июндан тарта:
Бала бакчалар;
Билим берүү борборлорунун ишмердүүлүгү (тил курстары жана билим берүү кызматтарынын башка түрлөрү) санитардык-гигиеналык ченемдерди жана окуучулар арасында аралыкты сактоо шарты менен).
8-июндан тарта:
Ички аба каттамы («Бишкек-Ош» каттамы).
Төмөнкү багыттар боюнча чектөөлөр калтырылат:
маданий, спорттук, илимий, үй-бүлөлүк, эскерүү жана массалык иш-чараларын өткөрүү;
көңүл ачуучу жайлардын ишмердүүлүгү (түнкү клубдар, караоке, кальян ж.б.);
интернет-клубдардын, ошондой эле компьютердик оюн жайларынын ишмердүүлүгү;
кинотеатрлардын ишмердүүлүгү;
соода жана оюн-зоок борборлорунда жайгашкан тамактануу жайларынын (фуд-корттор) ишмердүүлүгү;
балдар оюн-зоок жайларынын, оюн аянтчаларынын ишмердүүлүгү (анын ичинде соода жана оюн-зоок борборлорунда жайгашкан);
автобус, кичи автобус менен шаарлар жана аймактар ортосунда жүргүнчүлөрдү ташуу.
Бишкек шаарында “Бишкекасфальтсервис” муниципалдык ишканасынын кызматкерлери тарабынан Жибек-Жолу проспекти боюнча Осмонкул көчөсүнөн батыштан чыгышты карай …