Бишкекте өлүмгө алып келген жол кырсык катталды. Бул тууралуу ЖКККББ маалымат кызматы билдирди.
«22 жаштагы кыз Түштүк магистралда жөө жүргүнчүлөр өтмөгүнөн өтүп бара жаткан. Ошол учурда Садырбаев көчөсүнөн Тыналиев көчөсүн көздөй үч унаа келе жаткан: эки унаанын айдоочусу кызды көрүп токтогон, ал эми «Мерседестин» айдоочусу кыймылын улантып, жөө жүргүнчүнү сүзүп кеткен. Кыз ошол жерде жан берди», — деп жазылат маалыматта.
Унаа айып короого токтотулуп, тергөө иштери жүрүп жатат.