Бишкек шаарында адашып кеткен 1-класстын окуучусу аман-эсен табылып, ата-энесине өткөрүп берилди. Бул тууралуу патрулдук милициянын басма сөз кызматынан кабарлашты.
Маалыматка ылайык, 4-сентябрда болжол менен саат 10:00 чамасында Бишкек ШИИББинин нөөмөт бөлүмүнө 6-кичи райондо окуучу кыз адашып жүрөт деген маалымат түшкөн.
Аталган даректе белгисиз жаран кичинекей кызды карап, милиция кызматкерлерин күтүп турган.
1-класстын окуучусу мектептен чыгып, үйүн таппай издеп жүргөн. Милиция кызматкерлери окуучу кызды мектепке алып барып, мугалимине жана кыздын апасына өткөрүп беришкен.