Бишкекте айдоочу унаасын башкара албай калып, жарнак тактасын сүзгөн. Милициянын кайгуул кызматынын басма сөз кызматы кырсык кече 16:00дөр чамасында болгонун билдирди.
««Мерседес-Бенц» үлгүсүндөгү унаанын айдоочусу Горький көчөсү менен күн чыгышты көздөй бара жатып, 7-апрель көчөсүнөн солго бурулуп жатып унааны башкара албай жолдогу жарнама тактасын сүзүп токтогон», — деп айтылат маалыматта.
Кырсыктан жабыркагандар болгон жок. Ал эми автоунаа унаа токтоочу жайга киргизилген. Окуянын себебин аныктоо үчүн экспертиза дайындалды.