Борбор калаада муниципалдык автобустар кышка даярдала баштады. Бул тууралуу мэриянын басма сөз кызматы бүгүн, 12-ноябрда кабарлады.
Маалыматка ылайык, коомдук транспорттордун дөңгөлөктөрү, кыймылдаткыч майы алмаштырылып жатат.
«Кыймылдаткычты иштетүү тутумдарын, жылытууну, салондун желдетилишин, эшиктин иштешин текшерүүгө өзгөчө көңүл бурулуп жатат», — деп айтылат маалыматта.
Мэрия транспорттун мезгилдик даярдыгы биринчи кар түшкөнгө чейин бүтө турганын кошумчалады.