Бишкек шаарында ымыркайдын жансыз денеси табылды. Бул тууралуу Свердлов райондук ички иштер бөлүмүнүн басма сөз кызматы кабарлады.
Маалыматка ылайык, үстүбүздөгү жылдын 17-октябрында саат 11:55 чамасында милицияга Аламүдүн-1 кичи районунун аймагында баштыктан ымыркайдын жансыз денеси табылгандыгы тууралуу маалымат келип түшкөн.
Бул факт Жазык кодексинин 150-беренеси (коркунучка калтыруу) менен катталган.
«Соттук -медициналык экспертиза дайындалды»,-деп айтылат маалыматта.
Учурда тергөө амалдары жүрүп жатат.