Бишкектин Юнусалиев көчөсүндө үч унаа сүзүштү. Бул тууралуу Патрулдук милиция кызматынан билдирди.
Белгилүү болгондой, кырсык бүгүн, 2-ноябрда саат 13:00 чамасында Юнусалиев (мурдагы Карл Маркс көч.) жана Карасаев (мурдагы Дружба көчөсү) көчөлөрүнүн кесилишинде болгон. “Хонда SRV”, “Тойота Камри” жана “Мерседес-Бенц” маркасындагы унаалар кагылышкан. Жол кырсыктын кесепетинен бир адам ооруканага жаткырылды.