22-апрелде Бишкек шаарындагы инфекциялык ооруканада коронавируска кабылган 53 жаштагы аял каза болду. Бул тууралуу Республикалык клиникалык жугуштуу оорулар ооруканасынын жетекчиси Гүлжигит Алиев Govori.TVга билдирди.
Маалыматка ылайык, каза болгон аял 5-апрелде ооруканага жаткырылган.
«Буга чейин каза болгон бейтап 1-апрелден баштап 5-апрелге чейин Кемин аймактык ооруканасында дарыланган. Коронавирустан тышкары кант диабети, жүрөк жана башка оорулардан жабыркап жүргөн», — деди Аалиев.
Кошумчалай кетсек, Кыргызстанда коронавирустан жалпы 8 адам каза болду.