Кайрадан Бишкектеги мектептин биринин директору окууга кабыл алууда мыйзамсыз акча каражатын талап кылгандыгы үчүн кармалды. Бул тууралуу Улуттук коопсуздук мамлекеттик комитетинен билдиришти.
Маалыматка ылайык, УКМК Бишкек шаарынын мектептик билим берүү системасында акча талап кылуу фактыларына бөгөт коюу боюнча жүргүзүлүп жаткан иштердин алкагында, окуучуларды кабыл алуу жана которуу учурунда акча талап кылуу фактыларын аныктады.
Президенттин 2023-жылдын 26-майындагы No136 Жарлыгына ылайык, мамлекеттик билим берүү уюмдарында акча чогултуунун ар кандай түрүнө тыюу салынган. Жогоруда айтылган тыюу салууга карабастан, борбордогу мектептердин биринин директору тарабынан окуучуларды кабыл алуу жана которуудан түшкөн каражатты алуу боюнча мыйзамсыз схема уюштурулган.
Ошону менен бирге, алардын аракеттерин мыйзамдаштыруу максатында окуу жайдын администрациясынын катуу талап кылуу сунушу боюнча ыктыярдуу-милдеттүү түрдө демөөрчүлүк жардам иретинде 30 миң сомдон 100 миң сомго чейин акча каражаты депозитке салынган. Алардын мындай максаттар үчүн түзүлгөн коомдук бирикменин учурдагы эсеби Кыргыз Республикасынын Президентинин № 136 Жарлыгына да карама-каршы келет.
Аталган факты боюнча, 2023-жылдын 30-августунда атайын эсепке 40 миң сом өлчөмүндө акча каражаты салынганын тастыктаган документтердин негизинде борбор калаадагы мектептердин биринин директору Т.Ч.Д. кармалып, УКМКнын СИЗОсуна киргизилди.
Учурда козголгон кылмыш ишинин алкагында зарыл чаралар көрүлүп, анын ичинде бул кылмышка тиешеси бар адамдардын чөйрөсүн аныктоо иштери жүрүп жатат.
Адам өлтүрүүгө шектүү катары издөөдө жүргөн жаран Ош аэропортунан кармалды. Бул тууралуу Ош шаардык ички …
Баңгизаттарды мыйзамсыз алып өтүү боюнча туруктуу канал уюштурган трансулуттук кылмыштуу топтун ишмердүүлүгү токтотулду. Бул тууралуу …
Бүгүн, 26-апрелде «Бүтүн Кыргызстан» фракциясынын лидери, депутат Адахан Мадумаров камактан чыкты. 26-мартта Бишкектин Биринчи Май …
Бишкек шаарындагы 996,18 чарчы метр аянттагы, суммасы 127 млн сомду түзгөн 12 даана кыймылсыз мүлк …
Чолпон-Ата шаарындагы «Жетиген» базарынын — «Курорторг Жетиген» ААКсынын акционери жана ошол эле учурда директору болуп …
Мамлекеттик салык кызматынын беши инспектору системалуу коррупция боюнча кармалды. Бул тууралуу УКМКнын басма сөз кызматы. …
