Бишкекте 3-кабаттагы терезеден кулап кеткен эркек киши аман калды. Бул тууралуу «Баракелде» сайты жазды.
Маалыматка ылайык, окуя бүгүн, 1-мартка караган түнү Гоголь менен Жумабек көчөлөрүнүн кесилишинде болгон. Анда үйүнүн эшигин ача албаган жашоочу кошунасынын терезеси аркылуу кирүүгө аракет кылган. Ошол учурда терезеден кулап кеткен.
«Аталган дарекке кайгуулчулар менен медициналык тез жардам кызматын көрсөтүүчү дарыгерлер барышкан. Бирокт терезеден кулаган адам ооруканага баруудан баш тарткан»,-деп айтылат маалыматта.