23-25-январь күндөрү Бишкекте Иран киносунун күндөрү өтөт. Бул тууралуу Маданият, маалымат, спорт жана жаштар саясаты министрлиги кабарлады.
Маалыматка ылайык, бул күндөрү борбор калаанын тургундары 2017-2022-жылдар аралыгында тартылган Ирандын заманбап кинорежиссёрлорунун түрдүү жанрдагы, анын ичинде дүйнөлүк кинофестивалдарда бааланган тасмаларды көрө алышат.
Кино күндөрүнүн расмий ачылышы 23-январда саат 14:00дө “Манас” кинотеатрынын чоң залында болот жана «Үмүт периштеси» аттуу тасма тартууланат.
