Бишкекте адам өлтүрүүгө шектелип 3 адам кармалды. Бул тууралуу Бишкек ШИИББинин маалымат кызматынан кабарлашты.
Маалыматка ылайык, бүгүн, 23-июнда Бишкек шаарынын Павлов жана Рыскулов көчөлөрүнүн кесилишинен 30-35 жаштагы белгисиз адамдын жансыз денеси табылган.
«Көп өтпөй борбордогу Кулиев жана Рыскулов көчөлөрүнүн кесилишинен 20 жаштагы А. К. менен 17 жаштагы С. Ж. жана Ч. И. аттуу балдар кармалган», — деп айтылат маалыматта.
Шектүүлөр Ленин районунун ИИБнын тергөө бөлүмүнө өткөрүлүп берилген. Факты боюнча Жазык кодексинин 130-беренеси (Киши өлтүрүү) менен кылмыш иши ачылган.