Бишкек шаарынын мэриясы чарба субъектилериндеги санитардык эрежелердин сакталышын текшерүүнү күчөттү. Бул тууралуу бүгүн, 17-июнда Бишкек шаарынын мэриясынын Санитардык-экологиялык инспекциясынын жетекчисинин орун басары Руслан Тагаев билдирди.
«Бүгүнкү күндө Бишкек шаарынын мэриясынын Санитардык-экологиялык инспекциясы тарабынан соода борборлоруна, түнкү клубдарга текшерүү иштери жүргүзүлүп жатат. Талаптарды аткарбаган мекемелерге протокол түзүлөт. Жарым жыл ичинде 764 чарба субьектер текшерилди»,-деди ал.