Бишкекте Хонда Фит унаасы кичинекей кызды тебелеп кеткен окуя боюнча милиция маалымат таратты.
Аталган бөлүмгө окуя боюнча 27-октябрда кечинде билдирүү түшкөн. Аталган факты Октябрь РИИБне катталып, тергөөгө чейинки текшерүү иштери башталган.
Маалым болгондой, саат 21:30дар чамасында Хонда Фит үлгүсүндөгү унаанын айдоочусу жөө жүргүнчүлөрдү өткөрүү үчүн маневр жасап, жолдун четине чыгып бараткан бөбөктү (2022-жылы туулган М.А.) байкабай калып, сүзүп кеткен.
Учурда унаа айып жайга киргизилип, айдоочу наркологиядан текшерилип, балага соттук-медициналык экспертиза дайындалды.
Кыздын ата-энеси медициналык жардам алуу үчүн ооруканага кайрылышкан. Ага баш мээсинин жабык жаракаты, баш мээнин чайкалышы деген диагноз коюлган жана бетинин сол жагы сүрүлгөн.
Аталган факты боюнча тергөө иштери уланууда.
