Бишкекте жергиликтүү курултай өтүп жатат

Бишкекте жергиликтүү курултай өтүп, Элдик курултайга катышуу үчүн 60 делегат шайланды.

Бишкек шаары боюнча жергиликтүү курултайга жалпысынан 800 делегат шайланып, алар калктын санына жараша төмөнкүдөй бөлүштүрүлгөн:

• Ленин району — 203 делегат (278 миң 500 жашоочу);
• Октябрь району — 228 делегат (313 миң 200 жашоочу);
• Биринчи май району — 164 делегат (225 миң 300 жашоочу);
• Свердлов району – 205 делегат (281 миң 400 жашоочу).

Жергиликтүү курултайдын алкагында делегаттар Кыргызстандын президенти Садыр Жапаровдун катышуусунда 25-ноябрда өтө турган Элдик курултайда көтөрүлө турган актуалдуу маселелерди да талкуулашты.

Курултайдын күн тартибинде 7 маселе каралган.

курултайдын спикерин тандоо;

ар бир райондон катчыларды тандоо;

делегаттардын санын бекитүү;

курултайдын жобосун бекитүү;

Элдик курултайга делегаттарды тандоо;

Элдик курултайда көтөрүлө турган орчундуу маселелерди бекитүү;

делегаттардын резервин бекитүү.