Бишкек шаарындагы Жукеев-Пудовкин жана Безымянный көчөлөрүнүн кесилишинде жол кырсыгы катталып, 3 киши жабыркады. Бул тууралуу Өзгөчө кырдаалдар министрлигинин басма сөз кызматы кабарлады.
Маалыматка ылайык, бүгүн, 8-сентябрда эртең менен «Мерседес» жана «Хонда Фит» унаалары кагышкан. Кырсыктын кесепетинен 3 адам жабыркады: 1973-жылы туулган эркек, 2000-жылы туулган жигит жана 2007-жылы туулган кыз.
Окуя болгон жерге Бишкек шаарынын куткаруу кызматынын 5 куткаруучусу тартылып, жаракат алгандарды тез жардам кызматкерлерине өткөрүп беришти.