Бишкек шаарынын, Чүй проспектин бир бөлүгү жабылат. Бул тууралуу мэриядан кабарлашты.
Маалыматта айтылгандай, Чүй проспекти Манас проспектисинен Үмөталиев көчөсүнө чейинки бөлүгү оңдоо үчүн 18-июлдан баштап жабылат.
Оңдоо иштери «Бишкек шаарынын автомобиль жолдорунун жол катмарын калыбына келтирүү» долбоорунун алкагында жүргүзүлүп, жол катмары алмаштырылып, жээк таштары орнотулат. Реконструкция иштери ушул жылдын 8-августка чейин бүткѳрүлѳт.
Бишкек шаарынын мэриясы шаар тургундарынан ыңгайсыздык келтиргендиги үчүн кечирим сурайт жана алдын ала жол тандап алууларын ѳтүнѳт.