12-июнда Бишкек шаарынын мэри Айбек Жунушалиев “Кудайберген” базарынын айланасындагы аймакты кыдырып чыкты. Бул тууралуу мекеменин басма сөз кызматы билдирет.
Рейддин жүрүшүндө базардын өрт коопсуздугу текшерилди. Текшерүү маалында Бишкек шаары боюнча Өзгөчө кырдаалдар министрлигинин бир да техникасы базар аймагына кире албай калган. Кире бериш атайылап тосулган болуп чыкты.
Мындан тышкары, жер тилкеси максатына ылайык колдонулбай жатканы аныкталды. Көп деңгээлдүү унаа токтотмо курулушунун ордуна аймак автоунааларды бөлүктөргө бөлүү үчүн колдонулуп келген.
Патрис Лумумба көчөсүндө жылдап кыймылдабаган автоунаалар табылды.
Ошондой эле жашыл аянттар мыйзамсыз кыйылып, курулуш иштерине даярдык көрүлгөнү аныкталды.
Кыдыруунун жыйынтыгында мэр тиешелүү шаардык кызматтарга базардын айланасын тартипке келтирүү боюнча бир катар тапшырмаларды берди.
Ошондой эле Патрис Лумумба көчөсүнөн Нарвская көчөсүнө чейинки аралыкта 2 чакырым узундуктагы жаңы сейил бак курууну тапшырды. Бүгүнкү күндө бул аймакта ички жол, автосугат системасы, жашылдандыруу жана көрктөндүрүү каралууда.
Шаар башчысы ижара келишиминин шарттарын бузган объект ээлерине карата тиешелүү чара көрүүнү жана муниципалдык аймакка чыгып кеткен мыйзамсыз объекттерди бузуу, көчөдөгү соода түйүндөрүн жоюу тапшырмаларын да берди.
Уларбек Исмаилов Жалал-Абад облусунун Манас шаарынын мэри болуп дайындалды. Бул тууралуу президенттин басма сөз кызматынан …
Жалал-Абад облусунун Кара-Көл шаарынын мэри Тажимырзаев Эдилбек Садырбекович ээлеген кызмат ордунан бошотулду. Тиешелүү тескемеге президент …
Ош облусунун Ноокат районунун мамлекеттик администрациясынын башчысы – аким Шейшеканов Данияр Турдубекович жеке арызынын негизинде …
Чуңкурчак жайлоосунда Экологиялык жана техникалык көзөмөл кызматы тарабынан жайыттарды коргоо жана жаратылыш аймактарында мототранспорт каражаттарынын …
Бишкек шаарында балык уулоочу синтетикалык торлорду сатууга жана колдонууга бөгөт коюу максатында алдын алуу иш-чаралары …
Бишкектеги базарларда эттин баасын негизсиз жогорулатууга жол бербөө максатында рейд өттү. Бул тууралуу шаардык мэриядан …
