• Жекшемби 3 Жалган куран 2024
  • Воскресенье 3 Март 2024

Блогер Али Эргешев кармалды

13 февраля 2024 в 17:36 Бишкек Govori.TV

Блогер Али Эргешев кармалды. Бул тууралуу Ички иштер министрлигинин (ИИМ) басма сөз кызматы билдирди.

Мекеменин маалыматына караганда, аны 13-февралда эл аралык “Манас” аэропортунан милиция кызматкерлери адамды жүзүнөн тааныган видеобайкоонун жардамы менен кармаган.

Ага Кылмыш-жаза кодексинин “Бейбаштык” беренеси менен иш козголуп, издөө жарыяланган.

«Эргешев 2023-жылдын май айында болгон бейбаштык окуясы боюнча козголгон кылмыш иштин алкагында кармалган. Жалал-Абад шаардык сотунун токтомуна ылайык, камакка алуу чарасы колдонулган»,-деп жазылат маалыматта.

Али Эргешев “Эл билсин” долбоорунун автору. Ютуб каналына тамактануучу жайлардын санитардык абалы, мамлекеттик мекемелердин калкка көрсөткөн кызматынын сапаты тууралуу видеолорду жарыялап келген.

Количество просмотров: 1462