• Бейшемби 26 Бугу 2022
  • Четверг 26 Май 2022

Блогер Жолболдуеванын бөгөт чарасы өзгөртүлгөн жок

13 мая 2022 в 18:17 Бишкек Govori.TV

Ош облустук соту бүгүн 13-майда “Батма-бат” YouTube каналынын автору, блогер Батмакан Жолболдуеванын бөгөт чарасын карап, шаардык соттун чечимин күчүндө калтырды.

Ош шаардык соту 21-апрелде аны 26-майга чейин камакта калтыруу тууралуу чечим чыгарган.

Милиция журналист Арзыгүл Галымбетова күтүүсүз каза болгондон кийин бул иш боюнча маалымат берип, ал Жолболдуеванын каралоосуна кабылып жатканына 25-мартта арызданганын билдирген. Галымбетованын ошол арызынын негизинде Кылмыш-жаза кодексинин 127-беренеси (“Этиятсыздыктан өлүмгө алып келүү”) менен иш козголуп, 28-мартта Жолболдуева кармалган.

Ишти Ош облустук милициясы тергемей болуп, 15-апрелде Баткен облустук ички иштер башкармалыгынан Ошко өткөрүлүп берилген.

Булак: Азаттык.

Количество просмотров: 361