Өкмөт башчы акимдерди мыйзам бузуу менен түз дайындап жатат. Мындай пикирин Жогорку Кеңештин жыйынында депутат Кенжебек Бокоев бүгүн, 13-майда билдирди.
«Өкмөт башчы баш болуп мыйзамдар бири-бирине шайкеш келбейт деп элди алдап жатат. Конституциялык мыйзамда да жергиликтүү мамлекеттик администрация жөнүндө мыйзамда да премьер-министр акимди жергиликтүү кеңештин сунушу менен дайындайт деп турат. Конституция өзгөргөндөн бери төрт жыл өттү. Сиз ошол мыйзамды шайкеш келүүгө алып келбей жатасыз», — деди депутат Бокоев.