Кыргыз Республикасынын УКМК тарабынан үстүбүздөгү жылдын биринчи жарымында коомчулукта резонанс жараткан бомбалар тууралуу бир нече жалган маалыматтарга тиешеси бар адамдарды аныктоо боюнча комплекстүү ыкчам-издөө иш-чаралары жүргүзүлүүдө.
УКМК тараткан маалыматка ылайык, жүргүзүлгөн ыкчам иш-чаралардын натыйжасында 28-29-март күндөрү борбор калаадагы мектептердин бирине жардыруучу зат коюлгандыгы тууралуу бир нече жолу кабарлаган “телефон террористи” аныкталды. Ал мектептердин биринин 9-классынын жашы жете элек окуучусу А.А.А. болуп чыкты, ал бейбаштык кылып Бишкек шаарнын гимназия мектебинин электрондук дарегине “[email protected]” фейк аккаунтунан жалган билдирүү жөнөткөн.
А.А.А. өзүнүн планын ишке ашыруу үчүн окуу процессин үзгүлтүккө учуратуу максатында видеооюндардын бири аркылуу жасалма чет элдик аккаунтту сатып алып, андан көрсөтүлгөн мектепке эки жолу анонимдүү билдирүү жөнөткөндүгү аныкталды.
А.А.А. жашаган жеринде дароо ыкчам иликтөө иш-чаралары жүргүзүлүп, компьютердик техникалар жана уюлдук телефондор алынып, экспертизага жөнөтүлдү.
Ата-энесинин катышуусунда жүргүзүлгөн сурак учурунда А.А.А. эки мыйзамсыз аракетин — жалган билдирүү жөнөткөнүн мойнуна алып, кылган ишине өкүнөөрүн айтты.
Азыркы учурда Бишкек шаарындагы башка коюлган бомбалар тууралуу анонимдүү маалыматтардын ушул сыяктуу фактыларына А.А.А.нын тиешеси бар экендиги текшерилүүдө.
КР УКМК мындай аракеттер Кыргыз Республикасынын Кылмыш-жаза кодексинин 259-беренесине ылайык, билип туруп даярдалып жаткан жардыруу, өрттөө же адамдардын курман болуу, же болбосо башка оор залал болуу коркунучун жаратуучу башка аракеттер жөнүндө жалган кабарлоо — бир жылдан үч жылга чейинки мөөнөткө түзөтүү жумуштарына же 500дөн 1000 эсептик көрсөткүчкө чейин айып салууга же беш жылга чейинки мөөнөткө эркиндигинен ажыратууга жазалана турганын эскертет.
Кемин районундук стоматологиялык клиниканын директору мамлекетке 5 млн сом зыян келтирген. Бул тууралуу Улуттук коопсуздук …
Жогорку Кеңештин мурдагы депутаты Орозайым Нарматова Улуттук коопсуздук боюнча мамлекеттик комитетине сурак берип чыкты. Анын …
Бишкекте тигүү цехинде мыйзамсыз иштеген чет элдик жарандар кармалды. Бул тууралуу УКМКнын басма сөз кызматынан …
Бишкекте массаж салонуна жамынган сойкукана табылды. Бул тууралуу УКМКнын маалымат кызматы кабарлады. Маалыматка караганда, 11-майда …
Кыргызстандык А. М. Т. аттуу жаран уюшан кылмыштуу топтун колдоосу менен С. Э. аттуу жарандын …
Сокулук районунда мурдагы сүйлөшкөн кызын уруп-сабоого шектелип 24 жаштагы жаран кармалды. Маалыматка ылайык, 6-майда эртең …
