1-сентябрда мектепке биринчи класстын окуучулары гана барышат. Бул тууралуу өкмөт үйүндөгү маалымат жыйында өкмөт башчы Кубатбек Боронов билдирди.
Анын айтымында, калган окуучулар биринчи чейректи аралыктан окушат.
«Жаңы окуу жылы башталганда 1-класстын окуучулары гана мектепке барышат. Калган окуучулар биринчи чейректи аралыктан окушат. Күзгө карата эпидемиологиялык абал турукташса алар экинчи чейректен баштап мектепке барышат. Бул маселе боюнча биринчи чейрек учурунда чечим чыгарылат», — деди Боронов.