Борбордук шайлоо комиссиясынын төрайымы Нуржан Шайлдабекова Чүй облусуна караштуу Ысык-Ата районундагы Люксембург айыл аймагында шайлоого катышты.
Шайлдабекованын айтымында, шайлоо тилкелеринде санитардык-эпидемиологиялык эрежелер сакталып жатат.
Белгилей кетсек, бүгүн, 4-октябрда Жогорку Кеңештин VII чакырылышынын депутаттыгына талапкерлерди шайлоо өтүп жатат. Ага жалпы 16 партия катышууда. Шайлоо ар кайсы шайлоо участкаларында өтүп, ага партия лидерлери, мамлекеттик кызматта иштеген кызматкерлер катышып, добуштарын берүүдө.