Чүй облустук ооруканасындагы бейтап өз өмүрүнө кол салды. Бул тууралуу Бишкек шаарынын Свердлов райондук ИИБнын басма сөз кызматынан кабарлашты.
Маалыматка ылайык, 17-февралда болжол менен саат 12:36да Свердлов райондук ички иштер башкармалыгынын нөөмөт бөлүмүнө Чүй облустук ооруканасынын урология бөлүмүндө жаткан 1974-жылы туулган Ш.Б., өз жанын кыйгандыгы тууралуу билдирүү түшкөн.
Жерине барган ыкчам-тергөө топтун кызматкерлери бычактан жараат алып каза болгон эркек кишинин сөөгүн табышкан.
Аталган факты Кылмыштар менен жоруктардын бирдиктүү реестринде каттоого алынып, сотко чейинки өндүрүш иштери башталды. Учурда керектүү экспертизалар дайындалган.