Аламүдүн районунда 3 миң долларлык зер буюмдарды уурдоого шектелген жаран кармалды. Бул тууралуу Чүй облустук милициясынын басма сөз кызмтаты кабарлады.
Маалыматка ылайык, Аламүдүн райондук милициясына Б.Е. аттуу жаран арыз менен кайрылып, анда 1-3-июль күндөрү белгисиз адамдар үйүнө кирип, 3 миң долларлык алтын жана күмүш буюмдарын уурдап кеткенин билдирген.
Аталган факт кылмыштардын бирдиктүү реестрине Кылмыш-жаза кодексинин уурдоо беренеси боюнча катталып, сотко чейинки өндүрүш иштери башталган.
«Жогорудагы кылмышка шектелип 21 жаштагы П.Р. аттуу жаран кармалып, убактылуу кармоочу жайга киргизилди»,-деп айтылат маалыматта.
Учурда шектүү жарандын дагы башка кылмыштарга тиешеси бар же жок экендиги боюнча териштирүү иштери жүргүзүлүүдө.