Сокулукта унаа уурдаганга шектелип, 23 жаштагы жигит кармалды. Бул тууралуу бүгүн, 6-августта Чүй ОИИБдин басма сөз кызматынан билдиришти.
Маалыматка ылайык, үстүбүздөгү жылдын 4-июлунда Сокулук районунун тургуну «Субару Аутбек» унаасы уурдалганы тууралуу милицияга арыз менен кайрылган.
Шектүү милиция кызматкерлери тарабынан кармалган.
«Сокулук РИИБдин ыкчам кызматкерлери шектүүнү колго түшүрдү. Шектүү — 23 жаштагы К.О. убактылуу кармоочу жайга киргизилип, андан кийин соттун чечими менен СИЗО-1 мекемесине камакка алынды»,-деп айтылат маалыматта.
Бул факт Кылмыштар жана жоруктардын бирдиктүү реестрине Жазык кодексиндеги 206-берене (автотранспорт каражаттарын айдап качуу) боюнча катталган. Учурда тергөө жүрүп жатат.