Чүй облусунда ири өлчөмдөгү уурулукка шектелген топ кармалды. Бул тууралуу облустук милициянын басма сөз кызматы кабарлады.
Маалыматка ылайык, 2021-жылдын 30-сентябрь күнү милицияга уурулук фактысы тууралуу маалымат келип түшкөн. Анда 1986-жылы туулган А.Ш. арыз менен кайрылып, үстүбүздөгү жылдын 30-сентябрына караган түнү белгисиз бирөөлөр Монолдор айыл аймагындагы «Калинин ГЭС» де жайгашкан контейнердин кулпусун сындырып киришип, ал жерден 24 даана сервердин сисемдик блогун, “Bitfury” компаниясынан өндүрүлгөн 17 даана “В9” үлгүдөгү жана “В8” үлгүдөгү 7 даана аппаратын, 2 даана маршрутизатор, 1 даана маршрутизатор модеми, 20 даана блок питанияларын уурдап белгисиз тарапка из жашырып кетишкенин билдирген. Келтирилген материалдык чыгым 73 миң АКШ долларын түзгөн.
Бул факты кылмыштардын бирдиктүү реестрине Кыргыз Республикасынын Жазык кодексинин 205-беренеси (Уурдоо) боюнча катталып, сотко чейинки өндүрүш иштери башталган.
Үстүбүздөгү жылдын 24-ноябрь күнү ушул сыяктуу арыз менен Сокулук районундагы иш-каналардын биринин директору 1986-жылы туулган К.Д. Сокулук РИИБүнө кайрылган. Анда 2021-жылдын 24-ноябрына караган түнү Сокулук районунун Асыл-Баш айылынын түштүк тарабындагы жайгашкан майнинг ферманын контейнеринен белгисиз бирөөлөр 97 даана майнинг аппараттарын уурдап кетишкенин билдирген. Келтирилген чыгым 300 ммиң АКШ долларын түзгөн.
Бул факты кылмыштардын бирдиктүү реестрине Кыргыз Республикасынын Жазык кодексинин 205-беренеси (Уурдоо) боюнча катталып, сотко чейинки өндүрүш иштери жүргүзүлгөн.
«Ыкчам иш-чаралардын натыйжасында жогорудагы ири өлчөмдөгү уурулук кылмышына шектелип, 10 жаран кармалышып, убактылуу кармоочу жайга камакка алынышкан. Кармалгандардын биринин жашаган үйүнөн майнинг ферманын 75 даана аппараты жана 87 даана блогу алынган»,-деп айтылат маалыматта.
Учурда сотко чейинки өндүрүш иштери уланууда.
Свердлов районунун ички иштер башкармалыгынын милиция кызматкерлери унаа уурдоого шектүү жаранды кармашты. Бул тууралуу Бишкек …
1-майда Бишкек шаарынын Свердлов районунун ички иштер башкармалыгында «Притон-Бабочка» аталышындагы профилактикалык иш-чаралардын жүрүшүндө милиция кызматкерлери …
Битумду жогорулатылган баада сатып алуу фактысы боюнча «БАС» муниципалдык ишканасынын кызмат адамы жана жеткирүүчү фирманын …
Адам өлтүрүүгө шектүү катары издөөдө жүргөн жаран Ош аэропортунан кармалды. Бул тууралуу Ош шаардык ички …
Мамлекеттик салык кызматынын беши инспектору системалуу коррупция боюнча кармалды. Бул тууралуу УКМКнын басма сөз кызматы. …
Бийликти күч менен басып алууга аракет кылган деп издөөдө жүргөн Ташов кармалды. Бул тууралуу УКМКнын …
